मंगळवेढा ब्रेकिंग! भरदिवसा महिलेच्या गळ्यातील सोन्याची बोरमाळ, गंठन हिसकावून दुचाकीस्वाराचा पोबारा

टीम मंगळवेढा टाईम्स ।

बँकेत पैसे भरून पायी चालत जात असताना अज्ञात चोरट्याने एका महिलेच्या गळ्यातील सोन्याची बोरमाळ व गंठन जबरदस्तीने हिसकावून पोबारा केला. ही घटना काल दुपारी 1 च्या सुमारास मंगळवेढा तालुक्यातील बोराळे येथील सोलापूर जिल्हा मध्यवर्ती बँकेजवळ घडली आहे.

याप्रकरणी मंगळवेढा पोलीस ठाण्यात गुन्हा दाखल झाला आहे. याबाबत पोलीस सूत्रांकडून मिळालेली अधिक माहिती अशी, सौ.संगीता सुरेश चौगुले (वय.32) या सोमवारी दुपारी 1 च्या सुमारास भावजय सोनाली सोबत सोलापूर जिल्हा मध्यवर्ती बँक बोराळे येथे पैसे जमा करण्यासाठी आल्या होत्या.

बँकेत पैसे जमा करून पायी चालत जात असताना समोरून दुचाकीवरून आलेल्या एकाने सौ.संगीता यांच्या गळ्यातील अर्धा तोल्याची सोन्याची बोरमाळ व पावन तोळाचे गंठन असा 50 हजारांचे सोन्याचे दागिने ओढून हिसकावले व पोबारा केला.

याप्रकरणी सौ.संगीता चौगुले यांनी मंगळवेढा पोलीसात दिलेल्या फिर्यादीनुसार एका अज्ञातांवर गुन्हा दाखल झाला आहे. या घटनेचा अधिक तपास सहाय्यक पोलीस निरीक्षक सत्यजित आवटे हे करीत आहेत.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”

विश्वसनीय ऑनलाईन पोर्टल 'मंगळवेढा टाईम्स'ला बातम्या व जाहिरात देण्यासाठी आजच संपर्क करा : 75 88 214 814