केंद्रीय लोकसेवा आयोगाच्या वतीने घेण्यात आलेल्या इंडियन इंजिनिअरिंग सर्व्हिसेस (आयईएस) परीक्षेत मंगळवेढा येथील हर्षल ज्ञानेश्वर भोसले याने देशात प्रथम क्रमांक मिळविला.त्याने पहिल्या प्रयत्नात हे यश मिळविले.
बातम्या व जाहिरातीसाठी संपर्क : 7588214814
आयोगाने संकेतस्थळावर नुकताच निकाल जाहीर केला आहे. या परीक्षेत तांडोर (ता.मंगळवेढा) येथील हर्षल ज्ञानेश्वर भोसले याने देशात प्रथम क्रमांक पटकावला.
लोकसेवा आयोगातर्फे 2018 मध्ये झालेल्या परीक्षेसाठी जानेवारीत लेखी परीक्षा घेण्यात आली होती. उत्तीर्ण उमेदवारांचा सप्टेंबर- आक्टोंबर महिन्यात मुलाखतींचा टप्पा पार पडला होता.
या परीक्षेंतर्गत 511 जागा रिक्त होत्या. यामध्ये स्थापत्य अभियांत्रिकीच्या 161, यंत्र अभियांत्रिकीच्या 136, विद्युतच्या 108 व अणुविद्युत व दुरसंचार अभियांत्रिकी शाखेच्या 106 जागा रिक्त होत्या.या यशानंतर हर्षलवर अभिनंदनाचा वर्षाव होत आहे.
हर्षल पाच वर्षांचा असताना त्याचे वडील वारले होते त्यानंतर आईने शेती करून हर्षलचे शिक्षण पूर्ण केले.शालेय शिक्षण इंग्लिश स्कूल मंगळवेढा,नववी ते दहावी माध्यमिक आश्रमशाळा देगाव,डिप्लोमा गव्हर्नमेंट पॉलिटेक्निक बीड,डिग्री गव्हर्नमेंट कॉलेज कराड येथे पूर्ण झाल्यानंतर भाबा अटॉमीक रिसर्च सेंटर मुंबई येथे एक महिन्याचे ट्रेनिंग घेऊन राजीनामा दिला.
त्यानंतर ऑइल अँड नॅचरल गॅस कॉर्पोरेशन पुणे येथे निवड झाली.केंद्रीय लोकसेवा आयोगाच्यावतीने (इंजिनिअर सर्व्हिसेस) प्रिलिम जानेवारी महिन्यात व मिन्स परीक्षा जून महिन्यात दिली त्यानंतर मुलाखत सप्टेंबर महिन्यात झाली.शुक्रवार दि.२५ ऑक्टोबर रोजी निकाल त्यामुळे देशात पहिला येण्याचा मान मिळवला.
तांडोर येथील त्याच्या घरी शुभेच्छा देण्यासाठी नागरिकांसह नातेवाईक आणि मित्रपरिवाराने गर्दी केली होती.
कोणत्याही टिप्पण्‍या नाहीत:
टिप्पणी पोस्ट करा